Па дарозе ў коледж будучая студэнтка Трэйсі Карлі неспадзявана даведваецца, што яе выпадковая спадарожніца Дэбі выдае сябе за іншую асобу, а ў сапраўднасці яна – збеглая з клінікі псіхапатка-забойца. Трэйсі спрабуе абараніцца ад яе і гіне. Дэбі пад выглядам Трэйсі прыязджае ў коледж, дзе знаёміцца з выкладчыкам літаратуры Сэмам Дэкерам. Пасля размовы з Сэмам Дэбі вырашае, што яны створаныя адно для аднаго. Але вось неспадзяванка: з’яўляецца Карла – дзяўчына Сэма, да таго ж і цяжарная ад яго. Наваспечаная студэнтка не спыняецца ні перад чым, каб разлучыць закаханых і спакусіць прыгажуна-выкладчыка. Дэбі забівае кожнага, хто становіцца на яе шляху ці пагражае яе выкрыццю. Жорсткія забойствы, яскравыя эратычныя сцэны і спакуслівая жанчына-вамп у студэнцкім асяродку.