Маладая дзяўчына Камій знаёміцца са сваім суседам Філібэрам і па нейкім часе перасяляецца ў ягоную кватэру, дзе знаходзіць фізічную і маральную цеплыню. У той жа кватэры жыве і Філібэраў сябар, Франк, адносіны з якім напачатку не ладзяцца. Але паступова тры самотныя асобы, якім не пашанцавала ані з сям’ёю, ані з характарам, збліжаюцца, запаўняючы пустэчу адно аднога. Але якім коштам далася ім гэтая блізкасць і гармонія ды як далёка завядзе пражыванне разам?..