На першы погляд поўная эмпатыі настаўніца праз вучняў маніпулюе іхнымі бацькамі дзеля ўласнага ўзбагачэння. Бальшыня бацькоў, прычым не толькі з боязі за паспяховасць сваіх дзяцей, паддаюцца напору настаўніцы ды пакорліва робяць ёй розныя паслугі, носяць падарункі і складаюць іншыя знакі ўвагі. Аднак знаходзяцца тры сям’і, якія наважваюцца паўстаць супраць ненармальнае сітуацыі ды разам з дырэктаркаю школы склікаюць канспіратыўны сход... Дзеянне напружанага і вельмі актуальнага фільму пра сілу людскога характару, знятага паводле рэальных падзеяў, адбываецца на пачатку 1980-ых гадоў у сацыялістычнай Браціславе, але гэта ўніверсальная гісторыя, якая магла б адбыцца ў любым месцы ды ў любы час.