Маладая парыжанка Франсу знянацку атрымоўвае ў спадчыну 50 тысяч еўраў і пастанаўляе цалкам змяніць сваё жыццё. Яна ўцякае ад занудлівага каханка і абрыдлых будняў выкладчыцы англійскай мовы ў раскошны 4-хзоркавы гатэль на Блакітным беразе Францыі. Неўзабаве Франсу сустракае мужчыну сваёй мары - няўлоўнага выхваляку Стэфана, які ўсюды пачуваецца як удома, ведае ў гатэлі кожнага парцье і ўдае давераную асобу Элтана Джона. Франсу, у якой хутка таксама праяўляецца махлярскі спрыт, пачынае паляванне на абаяльнага аферыста...