Забіўшы цмока, Гонза атрымлівае ва ўзнагароду прынцэсу і паўкаралеўства. Аднак там, дзе іншыя казкі канчаюцца, нашая пачынаецца. Бо ані прынцэсе, ані каралеве з каралём звычайны селянін Гонза не падабаецца, не кажучы ўжо пра ягоных прасцецкіх бацькоў. На сцэне з’яўляецца нядаўні прэтэндэнт на руку прынцэсы - валадар суседняга каралеўства. Каму ўрэшце дастанецца не толькі рука, але і сэрца прынцэсы?