Гэта гісторыя пра адзін дзень, за які жыццё можа цалкам змяніцца. Перакладчыца Юлья толькі што пераехала ў новую кватэру з мужам Рыхардам і дачкою Цэцыльяй. На першы погляд можа падацца, што яны – шчаслівая сям’я. Пачуўшы з навінаў пра смерць сваёй ўлюбёнай джазавай спявачкі, Юлья пачынае разумець, што яе жыццё не такое ідэальнае, якім падаецца. Спачатку яна вырашае купіць піяніна, а потым, у працэсе ажыццяўлення гэтай задумы, яна цалкам змяняе сваё жыццё. Ёй варта разабрацца са сваім мінулым і цяперашнім жыццём, перш як пачаць новае.