Сэм Бэл працуе па кантракце на паверхні Месяца. Ён абслугоўвае два харвестэры, якія здабываюць гелій-3 – сыравіна будучыні, энергетычнае шчасце чалавецтва. Ён адзін на гэтай маркотнай планеце, дзе ўся каляровая гама – адценні шэрага. Тэрмін яго кантракта – тры гады. За гэты час на Зямлі нарадзілася і падрасла дачка. Жонка чакае і ганарыцца. Аднак ці так усё насамрэч? Блукаючы па белых лабірынтах месяцовай станцыі, Сэм пачынае падазраваць, што яго ўласны робат утойвае ад яго ключавую частку праўды, што яго кантракт не скончыцца так проста, і што, урэшце, ён – не адзіны Сэм Бэл у гэтым свеце.