Лос-анджэлескі паліцыянт і былы баксёр Дўайт Блэйкерт знаёміцца са сваім калегам Лі Блэнчардам ды ягонаю дзяўчынаю Кей. Лі прапаноўвае Дўайту сустрэцца на рынгу ў дабрачынным баі, што дазволіць абодвум зарабіць грошай на стаўках. Пасля бою, які Дўайт, паводле дамовы, прайграў, яго пераводзяць у аддзел расследавання забойстваў, і ён робіцца напарнікам, а неўзабаве і блізкім сябрам Лі. Падчас палявання на аднаго з рэцыдывістаў яны трапляюць у перастрэлку, у якой Лі ратуе Блэйкерту жыццё. Тым часам на суседняй вуліцы знаходзяць знявечаны труп дзяўчыны, якая ўвойдзе ў гісторыю пад імем Чорная Вяргіня. Лі настойвае на тым, каб яны з Дўайтам узяліся за гэтую справу...