Дзеянне фільму адбываецца ў гады перад Першаю сусветнаю вайной. Сяброўкі Франка, Квірына, Амэлька і Бронка скончылі пачатковую школу і, нягледзячы на матэрыяльныя цяжкасці, імкнуцца працягнуць адукацыю. Дзяўчаты разумеюць, што вырвацца з беднасці Наваліпак няпроста. Першы досвед кахання па-рознаму адбіваецца на іхных характарах, але нікому з чатырох не ўдаецца пазбегчы цяжкіх жыццёвых выпрабаванняў.Другая частка дылогіі працягвае апавяданне пра жыццё сябровак пачатае ў «Дзяўчатах з Наваліпак». Амелька выйшла замуж за старога аптэкара. Нягледзячы на сытае і спакойнае жыццё, яна не пачуваецца шчасліваю; уцягнуўшыся ў любоўную сувязь з маладым мужчынам, маладзіца задумвае забіць свайго сужэнца. Бронка не ў лепшым становішчы. Яна жыве самотна, а сустрэча з былым палюбоўнікам, які цяпер займае высокае становішча і жанаты з багатаю жанчынаю, сканчаецца для яе трагічна. Толькі знаходлівая Квірына дае рады: адчыняе ўласную краму, праца ў якой прыносіць ёй задавальненне. Але нават цяжкая хвароба мужа не можа прымусіць яе збочыць са шляху, арыентаванага на працу і ўзбагачэнне.