За пратэст супраць акупацыі Чэхаславаччыны савецкімі войскамі ў 1968 годзе тэнісістцы Ірэне Мораўцавай забаранілі выступаць, і неўзабаве яна зусім кінула спорт. Яе муж эміграваў, пакінуўшы жонку адну з дачкой Аняю. На пачатку 1980-ых Ірэна працуе прыбіральніцай і ўсё яшчэ падтрымлівае сувязь з дысідэнцкім рухам. Аня займаецца бегам і перамагае ў чэмпіянаце рэспублікі па лёгкай атлетыцы. Каб "дапамагчы" ёй кваліфікавацца на Алімпіяду, спартовыя функцыянеры загадваюць той прымаць допінг. Неўзабаве і перад Аняю паўстаюць тыя самыя маральныя дылемы, што і перад Ірэнай у 1968-ым.