Дэлфт, Галандыя, 1665 год. У дом мастака Ёханэса Вэрмэйра прыходзіць працаваць новая пакаёўка – юная прыгажуня Хрыт, сям’я якой апынаецца на мяжы банкруцтва: яе бацька аслеп і не можа працаваць. Шматдзетная сям’я паспяховага мастака належыць да вельмі забяспечаных, але апошнім часам яе дабрабыт залежыць ад прыхамацяў багатага патрона, арыстакрата Пітэра Ван Рэйвэна, які ўсё больш неахвотна замаўляе ў Вэрмэйра карціны. З’яўленне пакаёўкі прыносіць у жыццё сям’і новыя клопаты, але дае мастаку новую крыніцу натхнення.