Героі фільму – жыхары правінцыйнага польскага мястэчка, якія становяцца статыстамі ў фільме кітайскай вытворчасці. Гэта звычайныя людзі, якія не адрозніваюцца нічым асаблівым, няшчасныя, са сваймі праблемамі, аднак яны пакорліва зносяць удары лёсу. Кожны з герояў па-свойму пераадольвае ўласныя жыццёвыя дылемы. Для іх роля статыстаў у фільме – спроба ўцячы ад тугі штодзённасці, а можа, уцячы ад клопатаў ці проста апынуцца сярод іншых людзей ды перажыць штосьці новае.