Рафаэля дэ Валентэна наўрад ці можна назваць пестуном лёсу. Ён марыць апублікаваць сваё эсэ пра вялікіх мысляроў, але атрымлівае адмову ад выдаўца. Яго сэрца б’ецца хутчэй, калі ён бачыць свецкую красуню Фядору, але дзяўчына не адказвае ўзаемнасцю. Хлопец спадзяецца збагацець, выйграўшы ў казіно, але спускае ў нікуды апошнія грошы. Зусім страціўшы надзею, Рафаэль вырашае скончыць жыццё самагубствам, але менавіта ў гэты момант лёс робіць яго ўладальнікам Шчыгрынавай скуры – магічнага талісмана, здольнага ажыццявіць любое жаданне…