У свеце, знішчаным вайной паміж людзьмі ды машынамі, ажывае лялька з нумарам дзевяць на спіне. Свет, у якім прачнуўся Дзевяць, быў жахлівы, але, як аказалася, ён не адзіная лялька з нумарам. Першы, каго ён сустракае — Два, які расказаў яму што здарылася са светам. Асабліва Два зацікавіў артэфакт з дзіўнымі сімваламі, які меў з сабой Дзевяць. Дзевяць зразумеў, што гэты артэфакт і іншыя лялькі былі падрыхтаваныя перад смерцю чалавецтва, каб потым стаць апошняй надзеяй людзей на выратаванне.