17-гадовы Ашэр, прасцяк і сэрца на далоні, вучыцца ў выпускным класе правінцыйнай ізраільскай школы. Юнак мае цяжкасці ў засваенні навучальнага матэрыялу ды праблемы з утаймаваннем эмоцыяў і частымі ўсплёскамі гневу. Да таго ж Ашэр бярэ ўдзел у сямейным бізнесе: працуе са сваім бацькам, уладным працаголікам, на будоўлі. Бацька даўно разжаніўся з мамаю хлопца, ён рыхтуе сына быць прадаўжальнікам ягонае справы і лічыць, што сынава навучанне - пустое. У Рамі, інтэлігентным і ўважлівым настаўніку літаратуры, чулы Ашэр знаходзіць узор для пераймання. Аднак нечаканая трагедыя блытае карты.