Галоўныя героі фільму – маладая пара Ольґа (Дарота Сэґда) і Томаш (Мацей Орлась). Адзіны іхны сын захварэў: у яго падазраюць белакроўе. Каб паставіць пэўны дыягназ, трэба зрабіць аналізы. Чакаючы ў трывозе вынікаў, бацькі размаўляюць пра боль, трыванне і смерць, пра ўплыў Бога на чалавечы лёс, шукаюць у мінулым, які грэх мог наклікаць на сына такую бяду. Ольґа паддаецца эмоцыям і прагне вымаліць Божую ласку. Томаш, «вернік-рацыяналіст», астуджае ейны запал, не дазваляючы кідацца ў крайнасці. Аднак шляхі сужэнцаў пачынаюць разыходзіцца...