Маладая дзівачка Амэлі ніколі ня мела ні сяброў, ні кахання. Яна жыла ў свеце сваіх фантазіяў, пакуль не сустрэла Ніно - такую ж замкнёную і загадкавую натуру. Амэлі дапамагае «ўсяму свету», але ня можа даць рады самой сабе. У Ніно яшчэ больш дзіўны занятак - ён збірае няўдалыя «імгненныя» здымкі. Ціхая, дзівакаватая і рамантычная гісторыя кахання засціць сабою жыццё шумнага мегаполісу, і нават смерць прынцэсы Дыяны застаецца недзе на перыферыі сюжэту.Адзін з самых пасьпяховых кінапраектаў сучаснай Францыі, які нарадзіў процьму перайманняў і ўзгадаваў натоўпы фанатаў, што дагэтуль б’юцца над таямніцамі фільму і называюць яго «культавым».