Зялёны людажэр Шрэк вяртаецца! Гэтым разам яму давядзецца здзейсніць падарожжа ў Трыдзясятае валадарства, прасіць і не атрымаць каралеўскага блаславення на шлюб зь Фіёнай, пасябраваць з наёмнікам-забойцам Катом у ботах, трапіць на фабрыку чароўных зёлак Феі Хроснай, сядзець у вязніцы, браць штурмам замак на гіганцкім перніку — і ўсё дзеля кахання да Фіёны. Суправаджаць Шрэка ў падарожжы будуць балбатлівы Аслюк-зануда і Кот у ботах - халодны ў баі, але з гарачым сэрцам.