Радуе, што браты-беларусы нарэшце ўзяліся за гэтую франшызу. Спадзяюся, іх намаганні працягнуцца.
Чым важныя "Зорныя войны"?
Гэтыя фільмы змянілі свет кінафантастыкі. Стварэнне фантастычных фільмаў, невядомых сусветаў, дзіўных планет і галактык, футурыстычных гарадоў і тэмпаральных адысей ператварылася ў моцную індустрыю. З "правальнага жанру" фантастыка ператварылася ў мэйнстрым.
Спачатку Джордж Лукас зняў "арыгінальную трылогію": "Зорныя войны" (1977), "Імперыя наносіць зваротны ўдар" (1980) і "Вяртанне Джэдая" (1983).
А потым вырашылі зняць яшчэ 3 фільмы аб папярэдніх падзенях - аб тым, што адбылося ў зорным сусвеце да нараджэння галоўнага героя. Таму тры пералічаныя вышэй стужкі перайменавалі ў Эпізод 4, Эпізод 5 і Эпізод 6.
Затым былі знятыя эпізоды 1, 2 і 3 - або "трылогія прыквэлаў" (1997-2002). Яна саступае арыгінальнай трылогіі па якасці, па свежасці ідэй, але вельмі жыва і багата дапаўняе фантастычны зорны сусвет, засяляе яго новымі расамі, істотамі, дзяржавамі... Першы эпізод гэтай трылогіі як раз перад вамі.
Пры праглядзе фільма ўражвае моцная фантазія аўтараў, іх глыбокае і сур'ёзнае стаўленне да свайго сусвета. З непрыемных момантаў - нечакана слабая гульня Наталі Портман і некалькі досыць раздражняльных сюжэтных штампаў.
А ўвогуле хацелася б экранізацыі падзей вельмі старажытных часоў - за тысячы гадоў да эпохі Скайуокераў. Напрыклад, пра тыя часы, калі ў Галактыцы панавала раса Куа або імперыя Раката. Пра тыя часы, калі існавала планета Джэдаі (адкуль пайшоў аднаіменны ордэн рыцараў). Пра гэтыя падзеі, наколькі мне вядома, ёсць толькі коміксы. А шкада

Эпічнае кіно