Брытанія, 1932 год. У маёнтак сэра Ўільяма МакКордла з’язджаюцца ягоныя сябры ды сваякі-арыстакраты з усяго наваколля, каб узяць удзел у традыцыйным паляванні на фазанаў. Гасцей суправаджаюць іхныя слугі, якія ўліваюцца ў шматлікі хатні персанал маёнтку. Ад сваіх тутэйшых калег яны паступова даведваюцца пра цёмную мінуўшчыну сваіх гаспадароў і пра тое, што стасункі між тымі, перадусім фінансавыя, не настолькі бясхмарныя, як здаецца. Аднак ці не ў кожнага з слуг таксама ёсць свая таямніца, якую яны хаваюць за каменнымі тварамі ды ветлівымі ўсмешкамі. У паветры лунае прадчуванне злачынства, за якім можа стаяць фактычна любы з прысутных...