Біяграфічная драма паводле гісторыі жыцця французскай спявачкі італьянскага паходжання Ёланды Джыллёцці, вядомай як Даліда. У другой палове 1950-х эфектнага выгляду нарадзінка Каіру з чароўным голасам здолела заваяваць любоў слухачоў спачатку ў Еўропе, а потым і ў Амерыцы. Хоць Даліда ўзышла на музычны алімп, займела каласальны поспех ды прызнанне крытыкаў і публікі ўсяго свету, слава ды грошы так і не прынеслі ёй шчасця. Знайсці сапраўднае каханне ёй было неверагодна цяжка. Мала хто здагадваўся, што за святлом сцэны, у рэальным жыцці, вялікая спявачка сутыкнулася з душэўнымі траўмамі, дэпрэсіяй і бязмежнаю самотаю.