Дырэктар прэстыжнай прыватнай школы мае рэпутацыю надзейнага мужа, добрага бацькі, сумленнага грамадзяніна. Сапраўдным шокам для сям’і, сяброў ды калег робіцца ягоны арышт і абвінавачанне ў растраце 12 мільёнаў крон, узятых у крэдыт пад падробныя паручальніцтвы. А ці заўважалі жонка, сын і сябры змены ў паводзінах мужчыны? А можа, усе ягоныя дзіўныя ўчынкі можна растлумачыць толькі раптоўнаю хваробаю?