Апавядаючы гісторыю прускага роду фон Краўс, а таксама кахання паміж кашубскім хлопцам Матэўшам і нямецкай арыстакраткаю Марытаю, фільм ахоплівае час 1900 - 1945 гг. На фоне гістарычных падзеяў пераплятаюцца лёсы прадстаўнікоў трох нацыяў, што насялялі польска - нямецкае памежжа ў паўночных Кашубах, дзе межы, вызначаныя ў Вэрсалі пасля Першай сусветнай вайны, падзялілі не толькі зямлю, але і людзей: немцаў, кашубаў, палякаў. Пруская антыпольскасць змагалася з кашубскім патрыятызмам, што ўрэшце прывяло да масавага забойства тысяч кашубаў у лясах пад Пясьніцаю.