Маладая нямецкая журналістка Крыстына мае падрыхтаваць рэпартаж з польскіх Мазураў. Літаральна перад выездам у яе крадуць аўтамабіль. Выручае Крыстыну яе бабуля Эльза, якая згаджаецца даць ёй сваё аўта, аднак пры ўмове, што яны паедуць разам. Эльза нарадзілася на Мазурах, але яе сям’я пасля вайны пераехала ў Германію. Не зважаючы на гады, жанчына хоча знайсці сваё першае каханне – Ёахіма. Ні Крыстына, ні бабуля нават не падазраюць, наколькі гэтае падарожжа зменіць іхнае жыццё.