Падзеі адбываюцца ў 1943 г. у акупаванай Польшчы. Два мастакі Фрыдэрык і Вітальд прыязджаюць у маёнтак пад Кельцамі. Яны там знаёмяцца з 16-цігадоваю Гэняю, дачкою гаспадара маёнтка. Лічыцца, што Гэня створана для Караля, яе аднагодкі. Абодва вельмі прыгожыя, але паміж імі няма ніякай сімпатыі. Фрыдэрык вырашае іх звесці ды пачынае таямнічую п’есу, у якой маладыя ператвараюцца ў несвядомых акцёраў. Заданне вельмі цяжкае, бо Гэня заручаная з адвакатам Вацлавам. Між тым навокал ідзе вайна. Яе змрочнае рэха набліжаецца да герояў, але, здаецца, не мае ўплыву на развіццё падзеяў.