Па смерці бацькі Ганну турбуюць дзіўныя паводзіны ейнай маці. Ад сваёй стрыечнай цёткі Ганна даведваецца таямніцу, якую маці старанна хавала ад сваіх дзяцей: у дзяцінстве, яшчэ да пераезду ў ЗША, яе ўратавала кабета на імя Лена Фішэр. Ганна разумее, наколькі мала ведае пра мінулае маці, і выпраўляецца ў Берлін у пошуках праўды. Ад Лены Фішэр яна пачуе неверагодную гісторыю пра жанчын з Розэнштрасэ, якія ў 1943 г. выйшлі на вуліцу, каб абараніць сваіх арыштаваных мужоў - габрэяў.