Свет не можа існаваць без фантазіі і прыгод. Прынамсі ў гэта верыць стары лётчык, па суседстве з якім пасялілася адна вельмі педантычная мама са сваёй руплівай дачкой. Жыццё дзяўчынкі падпарадкавана строгаму вучэбнаму плану, у якім час на сяброў прадугледжаны толькі наступным летам. Аднак гэты выбудаваны план трашчыць па швах, калі ў жыццё дзяўчынкі ўрываецца сусед з ягонымі апавяданнямі пра Маленькага Прынца і далёкія зоркі. Засталося толькі адрамантаваць самалёт, і ў шлях! Так пачынаецца вялікае падарожжа дзяўчынкі - поўнае небяспекі, чарадзейства, гумару і сапраўднага сяброўства.