Аўдавелы амерыканскі прафесар Мэцью Морган самотна і замкнёна жыве ў Парыжы, дзе выкладаў філасофію. Ён марыў правесці старасць разам са сваёй жонкай у сталіцы Францыі, але яе смерць усё змяніла, і ён страціў сэнс жыцця. Здаецца, што ўсё галоўнае ў ягоным жыцці засталося ў мінулым. Пасля сустрэчы з маладой, адкрытай, вясёлай парыжанкай Палін Лёбі, настаўніцай танцаў, Мэцью знаходзіць сэнс жыцця.