Самотная жанчына Зоф’я мае сустрэцца са сваймі сяброўкамі Даротаю і Аннаю: разам яны супрацоўнічалі з «Салідарнасцю» ў 1980-ыя гады. Анна бярэ з сабою на спатканне, якое гэтым разам прызначылі ў загарадным доме Дароты, маладую пару – Ізу і Робэрта, якія прыехалі з-за мяжы. Маладзён вельмі падобны да былога каханага Зоф’і. І раптам у тэлевізары сяброўкі бачаць паспяховую бізнесоўку, сваю старую знаёмую Лукоўскую, на ўчынкі якой яны дагэтуль не могуць забыцца. Анна наважылася шчыра пагаварыць з «новаю» бізнес-лэдзі. Лукоўска пагаджаецца на сустрэчу, не ведаючы, што яе чакае...