У адлеглай чылійскай правінцыі месціцца пансіянат для каталіцкіх святароў, якія з розных прычынаў не могуць болей выконваць сваіх абавязкаў. Аднаго дня туды прыязджае навак, айцец Матыяс Ляскана, услед за якім у дом трапляе няпрошаны госць, адзін з ягоных былых парафіянаў. Сустрэча з ім не прыносіць нічога добрага, айцец Ляскана канчае жыццё самагубствам. Разабрацца ў абставінах ягонай смерці і пазнаёміцца з гісторыямі іншых жыхароў дому царкоўныя ўлады прысылаюць айца Гарсію з Сант’яга...