У фінале Ўімблданскага чэмпіянату 1980 года суперзорка тэнісу Б’ёрн Борг упершыню змагаўся з таленавітым амерыканцам Джонам МакІнраў. Тады швед Б’ёрн, якому за вытрымку далі мянушку АйсБорг, ужо быў 4-разовым пераможцам "Ўімблдану", а маладзейшы адыёзны МакІнраў заслужыў рэпутацыю "найгоршага прадстаўніка амерыканскіх каштоўнасцяў з часоў Аль Капонэ". Рэжысёр спрабуе паказаць перажыванні вядомых тэнісістаў напярэдадні і падчас вызначальнага матчу, перарываючы наратыў флэшбэкамі з дзяцінства Борга і МакІнраў.