У кватэры на варшаўскай плошчы Збаўцы жыве сям’я: муж з жонкаю, два сыны ды мужава мама. Іх штодзённасць поўная ўзаемных прэтэнзіяў, асабістых расчараванняў, што з часам спараджае жорсткасць, варожасць, здзекі. Маладая сям’я будавала кватэру, аднак кампанія-забудоўнік збанкрутавала, і сын з жонкаю ды дзецьмі пераязджаюць жыць да маці. Тая варожа ставіцца да нявесткі, а муж не звяртае ўвагі на жончыны праблемы. Даведзеная да адчаю цяжкасцямі лёсу, здзекамі свекрыві ды здрадаю мужа, маладая жанчына спрабуе атруціць сябе і дзяцей. Фільм зняты паводле рэальных падзеяў.