Маладая жанчына Мэрэн Эбат засталася без працы ды сядзіць дома, між тым як яе муж Конар, хірург, праз мноства працоўных абавязкаў звяртае на жонку ўсё менш увагі. Да Мэрэн пачынае заляцацца яе даўні прыхільнік Грэям, але яна не гатовая адказаць яму ўзаемнасцю. Тым не менш, даведаўшыся з медыяў пра існаванне сайту знаёмстваў «Блуклівае вока», Мэрэн спрабуе сустрэцца з мужчынам, які апынуўся ў падобным становішчы ды таксама пакутуе ад самоты. Неўзабаве пасля кароткага спаткання ў гатэлі, якое ўсё ж не прыводзіць да інтымнай блізкасці, Мэрэн даведваецца, што новага знаёмага знайшлі забітым у ягоным нумары...