Маладая студэнтка журналістыкі Сондра Прэнскі прыязджае ў Лондан на лета да сваёй сяброўкі Вівіян і спадзяецца ўзяць інтэрв’ю ў аднаго вядомага рэжысёра. Выпадкова яна трапляе на выступленне фокусніка Сідні Ўотэрмэна, які выклікае яе на сцэну як добраахвотніцу. Цягам сядзення ў магічнай скрыні ёй з’яўляецца дух нядаўна памерлага рэпарцёра Джоў Стромбэла, які паведамляе ёй сенсацыйную навіну: адзін з багатых лонданскіх арыстакратаў, Пітэр Лаймэн, стаіць за шэрагам таямнічых забойстваў жанчын. Сондра спадзяецца стаць славутаю дзякуючы гэтаму выкрыццю і падбухторвае Сідні Ўотэрмэна, каб той дапамог ёй даказаць віну Лаймэна…