Выпускніцу звычайнай амерыканскай школы Эн Слуці чакаюць у адзін дзень ажно тры сюрпрызы. Спачатку вяртаецца са службы ў войску ейны старэйшы брат Том, потым з універсітэту прыходзіць пацверджанне, што яе прынялі на навучанне, і, урэшце, яна выпраўляецца ў далёкае падарожжа з хлопцам, які збіраецца прапанаваць ёй руку і сэрца... Праўда, хлопец ёй не вядомы, падарожжа адбываецца пад руляю пісталета, а замест паштовак Эн пакідае на месцах прыпынкаў паведамленні для FBI. Фільм зняты паводле рэальнага здарэння.