Сямейная сага пра два пакаленні роду Нехціцаў разгортваецца на фоне зменаў у польскім грамадстве з 1865 да 1914 года – з моманту заканчэння антырасейскага паўстання і да пачатку Першае сусветнае вайны. Баґуміл Нехціц, былы паўстанец і заможны шляхціч, жэніцца з Барбараю Астшэньскаю, якая таксама паходзіць з заможнага, некалі багатага роду. Унутраны свет Барбары абцяжараны няшчасным каханнем і няздзейсненаю мараю стаць «гарадскою дамаю». Жыццё Баґуміла, лагоднага і высакароднага чалавека, напоўненае цяжкаю працаю, у якую ён уцякае ад трагічных успамінаў пра паразу паўстання 1863–1864 гадоў. Гэтыя два лёсы спалучаюцца і ствараюць фабулу фільму. Нягледзячы на адсутнасць ўзаемаразумення, Барбара і Баґуміл застацца разам. І толькі мужава смерць уносіць у існаванне Барбары радыкальныя змены, а пачатак вайны – страх за свой лёс і будучыню сям’і. Серыял зняты паводле аднайменнага раману Мар’і Дамброўскай – выдатнага твору польскай літаратуры, своеасаблівай энцыклапедыі псіхалогіі ды традыцыяў польскай інтэлігенцыі мяжы ХІХ–ХХ стагоддзяў.