Хочацца адзначыць гэты фільм незвычайнай атмасферай быту велічэзнага індыйскага горада Мумбаі. І як у такім мітуслівым горадзе па-за чужымі вачамі можа паралельна адбыцца нейкі маленькі цуд. Напэўна мы ніколі не пабываем там і іх быт вельмі далёкі ад нашага, але ў фільме добра адчуваецца самота галоўных герояў і што імі рушыць. Хочацца разам паверыць у створаную імі фантазію. І хоць фільм скончыўся і мы разумеем, што гэта ўсяго толькі фільм, але цікава ўяўляць, што героі недзе там за гарамі і морамі і ў іх усё добра.