У цэнтры серыялу – жыццё і праца крыміналістаў – маладога пракурора Эльжбеты Ґінтэр і ейнага калегі, інспектара паліцыі Вітальда Касмалі, які неўзабаве выйдзе на пенсію. У першым сезоне Ґінтэр і Касмаля вядуць расследаванне справы банкруцтва некалькіх польскіх банкаў. Напачатку калегі ніяк не могуць паразумецца, аднак агульная справа, супольныя перажыванні, рызыка і прага справядлівасці робяць сваё. Пакрысе Эльжбета і Вітальд пачынаюць бачыць адно ў адным не проста калегаў... Назва серыялу апелюе да тэорыі Эйнгорна, паводле якой пяць адсоткаў насельніцтва маюць генетычны дэфект беззаганнай шчырасці. Менавіта на яго, як мяркуе інспектар Касмаля, пакутуе пракурор Ґінтэр, што, на ягоную думку, замінае агульнай справе.